احلى الرسايل حب بس من منتدى سرمودي

صحت محد سمعني بليل فركاك..

وينة الكال حس الليل مسموع.

يادنية مطري هواي سويهة طينة..

بلكي حبيب الروح يزلك علينة.

الك نية تجي من بعد الفراك؟؟؟؟

حتى اكعد بواهس من اتانيك.

انه بيتي هموم صاير جرحي باب
لاتدك الباب جف ايدك ملح

بغيابك صرت ذكرى عله الحيطان ...
يتحسر عليه الي قراها...

قديمة جروحي منك مو امس واليوم
من جان الجرح بس اسود وابــيض

ليش هسه تساوم بحبنه وتبــــيع
وتدري بعد العملة كل شغلة حرام

كسرني بغيابك كلبي من جام ...
مو خايف عليه؟؟خاف أجرحك..

مثل لهفت سجين ايتاني الافراج
عليك انة صرت صدكني ملهوف
واذا كتلك احبك انة غلطان
لان حتى الاحبك ناقصة احروف

حبيتك ضعف حب يوسف ليعقوب
وعلى حبك يروحي شكثر لاموني
اذا يعقوب اعمه وبلقميص ايطيب
انه من اسمع اسمكترجع اعيوني

ردت اكتب احبك لكن شلون
شو يابيت اكتبه ارجع اعيده
حته اخيوط فكري امخربطه اتصير
مدري اشلون اكملك قصيده
من كلمت احبك والله مليت
... ......اريد اكتب الك كلمه جديده
مامطروقه ماسامعه انسان
ولا مذكوره بكتاب وجريده

دستور الجمال بوجهك يعيش
ولون الشاف خدك مسح لونه
ثق لو يشتريك ريال مدريد
بعد محد يشجع برشلونه

لتراوغ بحبك دخت كلش بيك..
دخليك لا تصير براسي ميسي

ابكلبي ضل يتلاشى حبك بيه مات
مثل موت الليل وي جية الصبح

اشمالك يافرح مر بية مرة شبيك
دغار من الحزن وتعشة يمي

وفّرهن يخايب ذنّي الحجايات
عندي هواي منهن خلهن يولّن
جنت وي كَلبي عايش مدرسه وطلاب
وجرص فركَاك دك وسوالفك حلّن

اليشمر عيونه تطيح يمه عيون
واليوفي بمحبته كلوب نهديله
ولكن للاسف ما مش بشر هاليوم
يستاهل بنظره من تضحيله
انه خلكي فضي وشكثر شفت آلام
خل يستمع مني الرايد احجيله

لا تسكت حبيبي لخاطر الله
ما أريد الذهب سولفلي ع الفضه

اضحيلك جنت من جنه احنه صغار
ومن كبرنه شوي ضحيت انته بيـــــــه ....

انا من كتلك ملك مو قصدي زيـــــــــــن ..!!
حتى من تخون اكلك كـــش ملـــــــــــــــك ..!!؟

صحباني مشو طوبه يلعبون
وانه حاير شبيعن هالمسيه
احل بواجبي وبالبسطه مشدوه
لان ما عندي والد يحس بيه
ومن كد ما افكر بهلي والعوز
وشبيع اليوم وشنهو ايصح بديه
سألتني المعلمه اشينزرع باربيل
كلتلهه العلج والسمسميه

انا براسي ازدحام بشارع البال..

محتاجك مرور تصفي بالي.

مثل عرُيس طبعك صاير وياي.. ايسلم علَيُ بس بالة مو يمي.

مثل صبوره صاير بيد طلاب ..
وجرحك كل وكت جره طباشير ..

لاتكسر غصن للعشك سويناه
موكتلك تعثرك شهكه البلبـــل

انه مشتاكلك كد ما الي جروح

اطيبهن و احس يفزن عناد

تدري شلون حالي لمن تروح ؟

مثل حال العراق بلايه بغداد

طبع بدوي خذت ما نمت علثار
الخذك مني اذبحه بنص دواوين

» احلى الومضات الرمضانيه والمسجات بس من منتدى سرمودي
» احلى المسجات رمضانيه بس من منتديات سرمودي
» ابوذيات ودارميات رمضانيه من منتدى سرمودي
» علان هام عن موقع ومنتديات سرمودي
» عاجل نتائج الصف الثالث على منتديات سرمودي