قصيد عن البنات

قصيدة مو ذنب البنات هي اهداء مني لكل من يعتقد (خاطئً) ان البنات غدارات
و اقول لكل من يعتقد ذلك بالـ(جنس اللطيف) انك مخطئ تماماَ لأن الغدر الحقيقي يأتي من الرجال
القصيدة تكول :


لاتكولون الذنب ذنب البنات** وبالهوى تكولون ماعدهن وفة

كلوبهن ترفة ورقيقات النساء** الله خالقهن حنان وعاطفة

ألف هنياله اليحب طيبة صفات** والف هنياله العلى اديها غفة

رقة واحساس ووفه وطيبه وجمال** وابد ادم ماحمل هاي الصفة

على كيفك وي قوارير الزجاج** ولاتخليها بمهـــب العاصـفــــة

تدري شيحس الكلب لو هنة يوم** ايمرن اكبالك طيور مزلفة

وتدري عينك تفرح وبيهن تشوف** لوحة من ربك جميله امزخرفة

ابهيده وي حواء مو ذني البنات** اجفوفهن لجروحنة بيها الشفة

انت يلي تكول باعتني برخيص** انت مو كد الهوى ولا تعرفة

الغزال ارهيف وبسرعة يطيح** لمن تتعبه وفوك حمله تكلفة

الذنب ذنبك انت للفركة اتعنيت** وجان كلب الحلوى بيدك واختفى

هي جانت كمر وبدربك ينــــور** وانت خليت الكمر بيدك طفـــة

وانت يلي تكول عافتني حرام** اسالت روحك ليش لمن عافتــــك ؟

جان ما ابـــــــعَدَت وعنك تروح** كونك تحبها مثل ما حــــبتك

اذكر العشرة وبدايتها الدموع** واذكر اجفوف اللي مسحت دمعتك

لاتشهر بالحبايب بالكــــلام** واذكر اشواكك واذكر لهــــفتك

احفظ لسانك تــــره باجرتعود** الصحبه حوبه ولاتضيع صحبتك

خلي خط رجعه ولا تبغض عزيز** ايعود للروح العشك مهما اختفى

لاتكولون الذنب ذنب البنات** وبالهوى تكولون ماعدهن وفة